🌍📡🌍📡🌍📡🌍📡🌍📡🌍
www.sivakasiteacherkaruppasamy.com
📡📡📡📡📡📡📡📡📡📡📡
🌍🌍🌍🌍🌍🌍🌍🌍🌍🌍🌍
📡பஸ்சில் இறந்த மனைவி: கணவன், கைகுழந்தையுடன் கீழே இறக்கிவிட்ட கண்டக்டர்
தாமோ:மத்தியபிரதேச மாநிலம் தாமோ மாவட்டத்தில் பஸ்சில் இருந்து இறக்கிவிட்டதால், காட்டுப்பகுதியில் பிறந்து 5 நாட்களே ஆன குழந்தை, இறந்த மனைவி மற்றும் தாயுடன் தவித்தவர்களை இரண்டு வழக்கறிஞர்கள் மீட்டனர். மத்திய பிரதேச மாநிலம் தாமோ மாவட்டத்தை சேர்ந்தவர் ராம் சிங் லோதி, இவர் பிறந்து 5 நாள் ஆன கைக்குழந்தை மற்றும் தாய் சனியா பாய் உடன் மனைவிக்கு உடல்நிலை சரியில்லாத நிலையில் மருத்துவமனைக்கு செல்ல தனியார் பஸ்சில் பயணம் செய்தார். பஸ்செல்லும் வழியிலேயே மனைவி உயிரிழந்தார். இதையறிந்த கண்டக்டர், அவர்களை பாதி வழியிலேயே இறக்கிவிட்டு சென்றார்
🌍ஒரு கோடி ரூபாய் மதிப்புடைய பிரவுன் சுகர் போதை பொருள் திருச்சியில் பறிமுதல்
கல்லூரி மாணவர்களிடம் விற்பதற்காக கொண்டு வரப்பட்ட 1 கோடி மதிப்புடைய பிரவுன் சுகர் போதை பொருள் திருச்சியில் பறிமுதல் செய்யப்பட்டது.
திருச்சியில் உள்ள கல்லூரி மாணவர்களுக்கு சப்ளை செய்வதற்காக பிரவுன் சுகர் போதைப்பவுடரை ஒரு கும்பல் கடத்தி வருவதாக அரியமங்கலம் இன்ஸ்பெக்டர் கென்னடிக்கு நேற்று முன்தினம் ரகசிய தகவல் கிடைத்தது. இதையடுத்து அவரது தலைமையில் போலீசார் அரியமங்கலம் லட்சுமிபுரம் பஸ் ஸ்டாப்பில் கண்காணிப்பில் ஈடுபட்டனர். அப்போது டவுன் பஸ்சில் வந்து இறங்கிய 4 பேரை சந்தேகத்தின்பேரில் பிடித்து சோதனையிட்டனர்.
அவர்கள் வைத்திருந்த பையில் 2 கிலோ பிரவுன் சுகர் இருந்தது. அதன் மதிப்பு சுமார் 1 கோடியாகும்.
www.sivakasiteacherkaruppasamy.com
📡தமிழகத்தில் 50 காவல் ஆய்வாளர்கள் இடமாற்றம்: தமிழக அரசு
சென்னை: தமிழகத்தில் 50 காவல் ஆய்வாளர்கள் இடமாற்றம் செய்து தமிழக அரசு உத்தரவிட்டுள்ளது. சென்னை பெருநகர், சேலம், திருச்சி நெல்லை மாவட்ட காவல் ஆய்வாளர்கள் இடமாற்றம் செய்யப்பட்டுள்ளனர்.
🌍வதந்திகளை நம்பவேண்டாம் - நலமுடன் இருக்கிறேன் : திண்டுக்கல் லியோனி
வதந்திகளை நம்பவேண்டாம் - நலமுடன் இருக்கிறேன் : திண்டுக்கல் லியோனி
தனது பேச்சை எதிர்கொள்ள முடியாதவர்கள் வேண்டுமென்றே நான் இறந்துவிட்டதாக கூறி வதந்திளை மீண்டும் பரப்பிவிட்டுள்ளனர் என கூறியுள்ளார்
📡ஒலிம்பிக்கில் வெள்ளி பதக்கம் வென்ற சிந்துவுக்கு கார் பரிசளித்தார் சச்சின்
ஐதராபாத்: ஒலிம்பிக்கில் வெள்ளி பதக்கம் வென்ற சிந்துவுக்கு பி.எம்.டபூள்யூ காரை சச்சின் பரிசளித்தார். ஐதராபாத்தில் நடைபெற்ற பாராட்டு விழாவில் சிந்து, சாக்ஷி மாலிக், தீபா கர்மாக்கருக்கு மரியாதை செலுத்தினார். அனைவருடன் சேர்ந்து செல்ஃபி எடுத்துக் கொண்டார்.
🌍குஜராத்தில் 11 லட்சம் ரூபாய் நோட்டுக்களால் அனுமனுக்கு அலங்காரம்
வதோதரா: குஜராத் மாநிலம் வதோதராவில் ஆவணி மாத சனிக்கிழமையை முன்னிட்டு அனுமன் ஆலயங்களில், அனுமனுக்கு சிறப்பு அலங்கார வழிபாடு செய்து வழக்கம். அதே போன்று நேற்று குஜராத் மாநிலம் வதோதராவில் உள்ள அனுமன் ஆலயத்தில் ரூ.11 லட்சம் மதிப்பிலான ரூபாய் நோட்டுக்களால், பக்தர்கள் அனுமனுக்கு அலங்காரம் செய்யப்பட்டது. ரூபாய் நோட்டுக்களாலேயே சன்னதிக்கு வெளியில் தோரணமும் கட்டப்பட்டிருந்தது. இது ஏராளமான பக்தர்களை வியப்பு அடைய செய்துள்ளது.
📡ஜம்மு-காஷ்மீர் மாநிலம் புல்வாமா மாவட்டத்தில் தீவிரவாதிகள் நடத்திய தாக்குதல் காவலர் ஒருவர் சுட்டுக் கொல்லப்பட்டுள்ளார். துப்பாக்கிச் சண்டை தொடர்ந்து நடைபெற்று வருவதால் பதற்றம் நிலவி வருகிறது.
🌍இமாச்சலபிரதேசத்திலல் பல்வேறு இடங்களில் நிலஅதிர்வு உணரப்பட்டுள்ளது. இது ரிக்டர் அளவில் 4.6 ஆக பதிவாகியுள்ளது.
📡மேற்கு வங்கக் கடலில் காற்றழுத்தத் தாழ்வுநிலை உருவாகி உள்ளதால் தமிழகத்தில் அடுத்த 48 மணி நேரத்தில் பரவலான மழை பெய்ய வாய்ப்புள்ளது என சென்னை வானிலை ஆய்வு மையம் தெரிவித்துள்ளது.
🌍வடமாநிலங்களில் வரலாறு காணாது பெய்து வரும் கனமழையால் உத்தரப்பிரதேசத்தில் மட்டும் 8 லட்சம் பேர் பாதிக்கப்பட்டுள்ளனர். அதேபோல் பீகாரில் வெள்ளம் காரணமாக இந்தாண்டு மட்டும் இதுவரை பலியானோர் எண்ணிக்கை 149 ஆக உயர்ந்துள்ளது.
📡சென்னை பரங்கிமலையில் உள்ள ராணுவ அதிகாரிகள் அகாதெமியில் 102-வது அணியின் பயிற்சி நிறைவு விழா, ராணுவ அணிவகுப்பு மரியாதை நிகழ்ச்சி ஆகியன செப்டம்பர் 10-இல் நடைபெறுகின்றன. இதில் குடியரசுத் தலைவர் பிரணாப் முகர்ஜி பங்கேற்கிறார்.
🌍தமிழகத்தில், ரயில் பாதைகள் சிறப்பாக உள்ளன என்று, பார்லிமென்ட் நிலைக்குழு தலைவர் தினேஷ் திரிவேதி கூறினார்.
📡காதலுக்கு பெற்றோர் எதிர்ப்பு தெரிவித்ததால் திருச்சியில் காதலன் வீடு முன் இன்ஜினியரிங் மாணவி தீக்குளிப்பு
🌍மத்திய தொழிற்சங்கங்கள் அறிவித்துள்ள வேலைநிறுத்தப் போராட்டத்தை மேற்கு வங்கத்தில் நடத்த அனுமதிக்க முடியாது என்று அந்த மாநில முதல்வர் மம்தா பானர்ஜி தெரிவித்துள்ளார்.
📡நாட்டின் வளர்ச்சிக்கு சட்டங்களில் மாற்றம் தேவை, மாற்றத்திற்கான செயல்பாடுகளை விரைவுபடுத்த வேண்டும், தேவையற்ற நடைமுறைகளுக்கு முடிவு கட்ட வேண்டும்--பிரதமர் நரேந்திர மோடி
🌍இந்தியாவில் "ராம ராஜ்யத்தை' (நல்லாட்சியை) அமல்படுத்துமாறு உச்ச நீதிமன்றத்தால் உத்தரவிட முடியாது-- தலைமை நீதிபதி டி.எஸ்.தாக்குர்
📡உபி போலீசாருக்கு முதல் சலுகை-- 10 நாள் வேலை பார்த்தால் ஒருநாள் விடுமுறை
🌍15 ஆண்டுகளுக்கு முன் வந்த கனரக வாகனங்களால் காற்று ஏகத்துக்கும் மாசு அடைகிறது.இதனால் அவ்வகை வாகனங்களை தடை செய்ய மத்திய அரசு முடிவெடுத்துள்ளது.விரைவில் இது பற்றிய அதிகாரப்பூர்வ அறிவிப்புகள் வெளியாகலாம்.
📡தொழிலதிபர் விஜய் மல்லையாவின் விமானத்தை வாங்கியுள்ளது எஸ்.ஜி.ஐ. காமெக்ஸ் நிறுவனம். ரூ.27.39 கோடிக்கு இவ்விமானத்தை அது ஏலத்தில் எடுத்துள்ளது. வரி பாக்கி தொடர்பாக மல்லையாவின் விமானத்தை சேவை வரித்துறையினர் முடக்கி வைத்திருந்தனர்
🌍அரியலூர்-- குடிநீர் இணைப்பு வழங்க, 500 ரூபாய் லஞ்சம் கேட்டு, இளம்பெண்ணிடம் நகராட்சி கமிஷனர் ஆபாசமாக பேசியது, 'வாட்ஸ் ஆப்'பில் ஆடியோ வெளியாகி உள்ளது.
📡கும்பகோணம் வீரசைவ மடத்தின் இளைய மடாதிபதி கங்காதரன் அண்மையில் திருமணம் செய்து கொண்டார். இதனால், அவர் மடத்தில் இருந்து நீக்கப்பட்டதாக, மடத்தின் பெரிய மடாதிபதி நீலகண்ட தேசிகேந்திர சுவாமிகள் தெரிவித்து உள்ளார்.
🌍பச்சமுத்துவுக்காக மறியல் செய்தவர்கள் மீது வழக்கு பாய்கிறது
📡அரசியல் ஆதாயத்துக்காக காங்., கட்சி தேவையில்லாத சர்ச்சைகளை உருவாக்கி வருவதாக மத்திய அமைச்சரும், பா.ஜ., மூத்த தலைவருமான வெங்கையா நாயுடு தெரிவித்தார்
🌍மர்மக் காய்ச்சல் குறித்து யாரும் பீதி அடைய வேண்டாம் என்று சுகாதாரத் துறை அமைச்சர் விஜயபாஸ்கர் தெரிவித்தார்.
📡மேற்குவங்க மாநிலத்தில் பயணிகள் ரயில் மோதிய விபத்தில் 3 யானைகள் பரிதாபமாக உயிரிழந்தன.
🌍விஷக் காய்ச்சலைப் போக்க போர்க்கால நடவடிக்கை தேவை: தமிழிசை
📡வேளாங்கண்ணி மாதா கோவில் திருவிழாவை முன்னிட்டு சிறப்பு ரயில்கள் இயக்கப்படவுள்ளதாக தெற்கு ரயில்வே அறிவித்துள்ளது.
🌍மேக்கேதாட்டு அணை விவகாரத்தில் இதுவரையில் பிரதமர் மோடியை முதல்வர் ஜெயலலிதா சந்திக்காதது ஏன் என்று கேள்வியெழுப்பினார் மு.க. ஸ்டாலின்.
📡உளுந்தூர்பேட்டை அருகே தந்தையின் இறப்பு உதவித்தொகை பெறுவதற்காக, கிராம நிர்வாக அலுவலர் லஞ்சம் கேட்டதால் இளைஞர் பிச்சை எடுத்த சம்பவம் பரபரப்பை ஏற்படுத்தியது.
🌍தமிழ்நாடு பிரீமியர் லீக் டி20 லீக் தொடரில் நேற்றைய போட்டியில், சூப்பர் ஓவரில் கோவை கிங்ஸ் அணியை 4 ரன்கள் வித்தியாசத்தில் காஞ்சி வாரியர்ஸ் வென்றது.
📡நேபாள அமைச்சரவை விரிவாக்கம் செய்யப்பட்டு மேலும் 13 பேர் அமைச்சர்களாக பதவியேற்றனர்.
🌍புதுடெல்லியில்காற்று கூடு புக வழியாத இல்லாத இருட்டு அறையில் தந்தையால் அடைத்த வைக்கப்பட்டிருந்த 2 சிறுமிகளை போலீசார் மீட்டனர்.
📡தருமபுரி மாவட்ட ஆட்சியர் அலுவலகத்தில் வெள்ளிக்கிழமை நடைபெற்ற விவசாயிகள் குறைகேட்புக் கூட்டத்துக்கு துப்பாக்கியுடன் வந்த முன்னாள் அமைச்சர் வ.முல்லைவேந்தன், தனது துப்பாக்கிக்கான உரிமம் புதுப்பித்தலில் மெத்தனம் காட்டுவதாகப் புகார் தெரிவித்தார்.
🌍ரயில் மேற்கூரையை உடைத்து ரூ. 5.75 கோடி பணம் கொள்ளைபோன சம்பவம் தொடர்பாக ஈரோடு ரயில் நிலையத்தில் சி.பி.சி.ஐ.டி. காவல் கண்காணிப்பாளர் நாகஜோதி 3-ஆவது முறையாக வெள்ளிக்கிழமை விசாரணை நடத்தினார்.
📡தெருநாய்களை கொல்லும் கேரள அரசின் முடிவு சட்டவிரோதமானது -- மேனகா காந்தி
🌍ஸ்கார்பின்' நீர்மூழ்கிக் கப்பல் தொடர்பான ரகசிய ஆவணங்கள் கசிந்தது தொடர்பாக பெரிதாகக் கலவைப்பட வேண்டியதில்லை-- பாதுகாப்புத் துறை அமைச்சர் மனோகர் பாரிக்கர்
📡ஏர்செல் - மேக்சிஸ் ஒப்பந்தத்தில் முறைகேடு நடந்ததாக சிபிஐ, மத்திய அமலாக்கத் துறை ஆகியவை தொடுத்துள்ள வழக்குகளின் சிபிஐ நீதிமன்ற விசாரணையில் தலையிட ஆர்வம் இல்லை என்று தில்லி உயர் நீதிமன்றம் தெரிவித்தது.
🌍திருச்சி : மலேசியாவிலிருந்து சென்னை வழியாக சிங்கப்பூர் செல்ல திருச்சி வந்த ஏர் இந்தியா எக்ஸ்பிரஸ் விமானத்தில் 90 லட்சம் மதிப்புள்ள வெளிநாட்டு கரண்சி கடத்தி வந்த ஒருவரை மத்திய வருவாய் புலனாய்வு அதிகாரிகள் திருச்சி விமான நிலையத்தில் கைது செய்தனர்.
📡ரூ.1 கோடி செக் மோசடி செய்த எஸ்ஆர்எம் நிறுவனர் பச்சமுத்து மீது புதிய புகார்
#எஸ்ஆர்எம் நிறுவனர் பச்சமுத்து ரூ.1 கோடி செக் மோசடி செய்ததாக பைனான்சியர் போத்ரா புகார் அளித்துள்ளார். சென்னை மாநகர காவல் ஆணையர் அலுவலகத்தில் பைனான்சியர் போத்ரா புகார் மனு அளித்தார். பணத்தை திருப்பிக் கேட்ட போது கொலை செய்து விடுவதாக பச்சமுத்து மிரட்டியதாகவும் போத்ரா கூறினார். ஏற்கனவே ரூ.75 கோடி மோசடி செய்ததாக. நேற்று கைது செய்து பச்சமுத்து புழல் சிறையில் அடைக்கப்பட்டுள்ளது குறிப்பிடத்தக்கது.
🌍தமிழகத்தில் மழை நீடிக்கும்!
வளிமண்டலத்தில் ஏற்பட்டுள்ள மேலடுக்கு சுழற்சியால் விசாகப்பட்டிணம் அருகே காற்றழுத்த தாழ்வு மையம் கொண்டுள்ளது.இது வடமேற்கு திசையில் நகரத் தொடங்கியுள்ளதால் தமிழகத்தில் மழை நீடிக்கும்.வட மாவட்டங்களில் கனமழையோ அல்லது இடியுடன் கூடிய மழையோ பெய்யலாம்.
📡சென்னை துறைமுகம் பகுதியிலிருந்து மேடவாக்கம் கோல்ட் வின்னருக்கு குருடாயில் ஏற்றிச் சென்ற லாரி அடையாறு பாலத்தில் ஏறும்போது பாலத்தின் தடுப்புக்கட்டை மீது மோதி கவிழ்ந்தது.
🌍வரும் நவம்பர் 1ம் தேதி கேரளா மாநிலம் திறந்தவெளி கழிப்பிடங்கள் இல்லாத மாநிலாக அறிவிக்கப்படுகிறது. இதற்காக கழிப்பிடம் இல்லாத ஆயிக்கணக்கான வீடுகளுக்கு உள்ளாட்சி அமைப்புகள் மூலம் கழிப்பிடம் கட்டி கொடுக்கப்பட்டது. ஒரு லட்சத்திற்கு மேற்பட்ட கழிப்பறைகள் இதுவரை கேரளாவில் கட்டப்பட்டுள்ளன. நவம்பர் 1ம் தேதி திருவனந்தபுரத்தில் நடக்கும் விழாவில் பிரதமர் மோடி பங்கேற்று, முறைப்படி இதை அறிவிக்கிறார்
📡நெல்லை சிந்துபூந்துறை மீனாட்சி சுந்தரேஸ்வரர் ஆலயத்தில் கொள்ளை முயற்சி. அலாரம் ஒலித்ததால் திருடன் ஓட்டம். பல கோடி மதிப்புள்ள 14 ஐம்பொன் சிலைகள் தப்பின
🌍இஸ்ரோ ராக்கெட் இன்ஜின் சோதனை வெற்றி
ஆக்சிஜனை கொண்டு இயங்கும் ராக்கெட் இன்ஜினை இஸ்ரோ விஞ்ஞானிகள் இன்று அதிகாலை வெற்றகரமாக சோதனை செய்தனர்.
சோதனை குறித்து இஸ்ரோ விஞ்ஞானி சிவன் கூறுகையில், வளிமண்டல ஆக்சிஜனை எடுத்துக் கொண்டு இயங்கும் ராக்கெட் இன்ஜின் சோதனை வெற்றி அடைந்தது. ராக்கெட் ஏவப்பட்ட 55 விநாடிகளில் சோதனை வெற்றி அடைந்தது. 7 விநாடிகளில் திரவ ஆக்சிஜன், ஹைட்ரஜன் எரியூட்டப்பட்டது. ஹைட்ரஜன், ஆக்சிஜன் எரியூட்டப்பட்டது எதிர்பார்க்கப்பட்ட 5 விநாடிகளை காட்டிலும் அதிகம். ராக்கெட் இன்ஜின் சோதனை இஸ்ரோவுக்கு கிடைத்த மிகப் பெரிய வெற்றி என அவர் தெரிவித்துள்ளார்.
📡இன்று 'மன் கி பாத்' ல் உரையாற்றுகிறார் மோடி
பிரதமர் மோடி, மாதந்தோறும் கடைசி ஞாயிற்றுக்கிழமைகளில் மன் கி பாத் நிகழ்ச்சி வாயிலாக, ரேடியோ மூலம் நாட்டு மக்களிடம் பல்வேறு விஷயங்கள் குறித்து உரையாற்றி வருகிறார்.
அந்த வகையில் ஆகஸ்ட் மாதத்தின் கடைசி ஞாயிற்றுக்கிழமையான இன்று (ஆகஸ்ட் 28), காலை 11 மணிக்கு மன் கி பாத் நிகழ்ச்சியில் பேச உள்ளார். பிரதமரின் இன்றைய மன் கி பாத் நிகழ்ச்சியில், ரியோ ஒலிம்பிக் போட்டிகளில் பதக்கம் வென்ற வீராங்கனைகளுக்கு வாழ்த்து, அடுத்த 3 ஒலிம்பிக் போட்டிகளில் அதிக பதக்கம் வெல்வதற்கான செயல் திட்டம், காஷ்மீரில் தொடரும் பதற்ற நிலை உள்ளிட்டவைகள் இடம்பெற வாய்ப்புள்ளதாக கருதப்படுகிறது.
🌍திருவனந்தபுரம் அருகே பயணிகள் ரயில் தடம்புரண்டு விபத்து: பல ரயில்கள் ரத்து
திருவனந்தபுரம் அருகே மங்களூர் பயணிகள் ரயில் தடம்புரண்டதை அடுத்து பல ரயில்கள் ரத்து செய்யப்பட்டுள்ளது. எர்ணாகுளத்தில் இருந்து சோரனூர், ஆலப்புலா, குருவாயூர் செல்லும் பயணிகள் ரயில் ரத்து, குருவாயூர்-எர்ணாகுளம், புனலூர்-குருவாயூர், திரிசூர்-கோழிக்கோடு ரயில்கள் ரத்து. மேலும் சென்னை எழும்பூரில் இருந்து செல்லும் குருவாயூர் எக்ஸ்பிரஸ் எர்ணாகுளம் வரை மட்டுமே இயக்கப்படும். ரயில்களிலும் ரத்து செய்யப்பட்டுள்ளது.
📡டெல்லியில் சுவர் இடிந்து விழுந்து 2 பேர் பலி
டெல்லியில் நிஹால் விஹார் பகுதியில் வீட்டின் சுவர் இடிந்து விழுந்ததில் 2 பேர் பரிதாவமாக உயிரிழந்தனர். இதனால் அப்பகுதியில் பரபரப்பு ஏற்பட்டுள்ளது.
🌍தஞ்சாவூரில் விசாரணை கைதி உயிரிழப்பு
தஞ்சாவூரில் திருட்டு வழக்கில் விசாரணைக்கு அழைத்து வரப்பட்டவர் காவல் நிலையத்தில் உயிரிழந்தார். பட்டுக்கோட்டை காவல்நிலையத்தில் ஏனாதிகரம்பை கிராமத்தைச் சேர்ந்த ரவிகாந்த் உயிரிழந்துள்ளார்.
📡முன் விரோதம் காரணமாக வாலிபர் அடித்துக் கொலை
கமுதி அருகேயுள்ள கிடாத்திருக்கை - தூரி ஆகிய இரு கிராமங்களுக்கிடையே இருந்து வந்த முன்விரோதம் காரணமாக, தூரி கிராமத்தைச் சேர்ந்த கருப்பசாமி என்ற இளைஞரை கிடாத்திருக்கை கிராமத்தைச் சேர்ந்த பத்து பேர் கொண்ட கும்பல் வழிமறித்து தாக்கியதில், தலையில் பலத்த காயம் ஏற்பட்டு உயிரிழப்பு .
🌍📡🌍📡🌍📡🌍📡🌍📡🌍
கருத்துகள் இல்லை:
கருத்துரையிடுக