*_18 - 04 - 2017_*
    

     •┈┈•❀✴🇮🇳✴❀•┈┈•

   *_தமிழ் இணைய செய்திகள்_*

      •┈┈•❀✴🇮🇳✴❀•┈┈•

*_✴தமிழகத்தில் திட்டமிட்ட நாடகம் அரங்கேற்றப்படுகிறது: பொன்.ராதாகிருஷ்ணன் பேட்டி_*

நாகர்கோவில்: தமிழகத்தில் திட்டமிட்ட நாடகம் அரங்கேற்றப்படுகிறது என்று மத்திய அமைச்சர் பொன்.ராதாகிருஷ்ணன் தெரிவித்துள்ளார். மேலும் ஜெயலலிதா மரணம் குறித்து உரிய விசாரணை நடத்தப்பட வேண்டும். இரு அணிகளும் ஒன்றானால் உண்மைகள் மறைக்கப்படலாம் என்றும் பொன்.ராதாகிருஷ்ணன் கூறியுள்ளார். நாகர்கோவிலில் செய்தியாளர்களை சந்தித்த பொன்.ராதாகிருஷ்ணன் இவ்வாறு கூறியுள்ளார்.

*_காந்தி நினைவிடத்தில் நேபாள அதிபர் பித்யா தேவி பந்தாரி அஞ்சலி_*

டெல்லி: நேபாள அதிபர் பித்யா தேவி பந்தாரி அரசு முறை பயணமாக இந்தியா வந்துள்ளார். டெல்லி வந்த அவருக்கு சிறப்பான வரவேற்பு அளிக்கப்பட்டது. அவர் ராஜ்காட்டில் உள்ள காந்தி நினைவிடத்தில் மலர் வளையம் வைத்து அஞ்சலி செலுத்தினார்.
http://www.sivakasiteacherkaruppasamy.blogspot.com
*_✴கட்சி ஒன்றுபட இரு அணிகளும் ஒன்றிணைய வேண்டும்: அமைச்சர் செல்லூர் ராஜு_*

சென்னை: அதிமுகவின் இரு அணிகளும் ஒன்றிணைய வேண்டும் என்பது தொண்டர்களின் விருப்பம் என்று அமைச்சர் செல்லூர் ராஜு தெரிவித்துள்ளார். சென்னை ஐ.என்.எஸ் கப்பலில் சசிகலா அணியினர் நடத்தி வரும் ஆலோசனையில் பங்கேற்ற செல்லூர் ராஜு செய்தியாளர்களிடம் இவ்வாறு தெரிவித்தார். மேலும் கட்சி ஒன்றுபட இரு அணிகளும் ஒன்றிணைய வேண்டும் என்றும் அவர் தெரிவித்தார். மேலும் பேசி அவர் அதிமுகவின் இரு அணிகளும் ஒன்றிணைந்தால் இரட்டை இலை சின்னம் மீட்டெடுக்கப்படும் என்றும் கூறினார். 

*_✴கடலூரில் 50 கிலோ எடையுள்ள ஐம்பொன் சிலை கொள்ளை_*

 கடலூரில் 50 கிலோ எடையுள்ள ஐம்பொன் சிலைகொள்ளைகடலூர்: கடலூர் மாவட்டத்தில் 50 கிலோ எடையுள்ள ஐம்பொன் சிலை திருடப்பட்டுள்ளது. காட்டுமன்னார் கோவில் அருகே கீழப்பருத்திக்குடி உத்திராபதியார் கோவிலில் கொள்ளையடிக்கப்பட்டது. 

*_✴கிருஷ்ணகிரி அருகே கல்லூரி மாணவர்கள் தகராறி்ல் தந்தை குத்திக்கொலை_*

கிருஷ்ணகிரி: கிருஷ்ணகிரி மாவட்டம் ராயக்கோட்டையில் கல்லூரி மாணவர்கள் இடையை நடந்த தகராறி்ல் தந்தை குத்திக்கொலை செய்யப்பட்டுள்ளார். கல்லூரி மாணவர்களின் மோதலை விலக்கிய நரேஷ் என்ற மாணவனின் தந்தை கோவிந்தராஜ் உயிரிழந்தார். 

*_✴இரு அணிகளை இணைப்பது தொடர்பாக 8 அமைச்சர்கள், ஒரு எம்.பி. கொண்ட குழு அமைப்பு_*

சென்னை: ஓபிஎஸ் அணியுடன் பேச்சுவார்த்தை நடத்த முதல்வர் எடப்பாடி பழனிச்சாமி குழு அமைத்துள்ளார். அதிமுக இரு அணிகளையும் இணைப்பது தொடர்பான பேச்சுவார்த்தையில் பங்கேற்க சசிகலா அணி சார்பில் 8 அமைச்சர்கள், ஒரு எம்.பி. கொண்ட குழு அமைக்கப்பட்டுள்ளது. செங்கோட்டையன், ஜெயக்குமார், தங்கமணி, எஸ்.பி வேலுமணி, வைத்தியலிங்கம், வேணுகோபால், திண்டுக்கல் சீனிவாசன், ஓ.எஸ்.மணியன், சிவி.சண்முகம் குழுவில் உள்ளதாக தகவல்கள் தெரிவிக்கின்றனர்.

http://www.sivakasiteacherkaruppasamy.blogspot.com
*_✴தாம்பரம் அருகே 150 சவரன் நகை கொள்ளை_*

சென்னை: தாம்பரம் அருகே சந்தோஷபுரத்தில் வீட்டின் பூட்டை உடைத்து 150 சவரன் நகை கொள்ளையடிக்கப்பட்டுள்ளது. மைதிலி என்பவரது வீட்டில் நகை மற்றும் பணத்தை மர்ம நபர்கள் கொள்ளை அடித்து சென்றுள்ளனர். மேலும் வீட்டிலிருந்த வெளிநாட்டு பணத்தையும் கொள்ளையர்கள் எடுத்து சென்றுள்ளனர். 

*_✴டிடிவி தினகரனுடன் அமைச்சர் செங்கோட்டையன் ஆலோசனை_*

சென்னை: அதிமுக துணைப்பொதுச்செயலாளர் டிடிவி தினகரனை பள்ளிகல்வித்துறை அமைச்சர் செங்கோட்டையன் சந்தித்து பேசி வருகிறார்.  சென்னை பெசன்ட் நகரில் உள்ள தினகரன் இல்லத்தில் இந்த சந்திப்பு நடைபெற்று வருகிறது. அதிமுக அணிகளை ஒன்றிணைப்பது குறித்து இருவரும் ஆலோசனை நடத்தி வருவதாக தகவல் வெளியாகியுள்ளது. மேலும் இந்த ஆலோசனையில் அமைச்சர் திண்டுக்கல் சீனிவாசன் பங்கேற்றுள்ளார். முன்னதாக அமைச்சர்கள் செங்கோட்டையன் மற்றும் சீனிவாசன் இருவரும் முதல்வர் எடப்பாடி பழனிச்சாமியுடன் ஆலோசனை நடத்தியது குறிப்பிடத்தக்கது.

     🌴✴🇮🇳🙏🙏🇮🇳✴🌴