தமிழகத்தில் மாணவர்களின் கற்றல் திறனை மேம்படுத்த பள்ளிக் கல்வித் துறை சார்பில் கடந்த மாதம் 26-ஆம் தேதி கல்வித் தொலைக்காட்சி தொடங்கப்பட்டது. இந்த சேனல் அரசு கேபிளில் 200-ஆவது அலைவரிசையில் இலவசமாக ஒளிபரப்பாகிறது.
இந்நிலையில், கல்வித் தொலைக்காட்சி சேனலுக்கு இனி கட்டணம் வசூலிக்க திட்டமிட்டுள்ளதாகத் தகவல் வெளியானது. இதுகுறித்து பள்ளிக் கல்வித்துறை அதிகாரிகள் கூறும் போது, கல்வித் தொலைக்காட்சியை சிறப்பாக நடத்த கூடுதல் நிதி தேவைப்படுவதாகவும் எனவே இதைக் கட்டண சேனலாக மாற்ற திட்டமிட்டிருப்பதாகவும் தெரிவித்தனர். இதற்கு மக்கள் ஆதரவு தெரிவிக்க வேண்டுமெனவும் அவர்கள் கேட்டுக்கொண்டனர்.
