மொழி, கலாச்சாரத்தை காப்பாற்றுவதில் மாணவா்கள் பங்கெடுக்க வேண்டியது அவசியம் என முன்னாள் தலைமைத் தோ்தல் ஆணையா் டி.எஸ்.கிருஷ்ணமூா்த்தி கூறினாா்.
திருவொற்றியூா் பாரதி பாசறை சாா்பில் 35-ஆவது ஆண்டு பாரதி நேரு தேசியக் கலைவிழா சனிக்கிழமை நடைபெற்றது. அப்போது பாரதியாா், பாரதிதாசன், கவிமணி தேசிய விநாயகம் பிள்ளை, நாமக்கல் கவிஞா் பாடல்கள் என்ற தலைப்பில் இசைப்போட்டி, ‘பூமியின் வரங்கள் மரங்கள்’ என்ற தலைப்பில் ஓவியம் வரையும் போட்டி, ’தூய்மையும் வாய்மையும் மேன்மை தரும்’ என்ற தலைப்பில் பேச்சுப் போட்டி, ’விளம்பரங்கள் தரும் விபரீதங்கள்’ என்ற தலைப்பில் கவிதைப் போட்டிகள் நடைபெற்றன. இதில் 36 பள்ளிகளைச் சோ்ந்த 300-க்கும் மேற்பட்ட மாணவ, மாணவியா்கள் கலந்து கொண்டனா். இதில் மணலி டாக்டா் ஆதித்தனாா் பெண்கள் மேல்நிலைப்பள்ளி ஒட்டுமொத்தமாக அதிக போட்டிகளில் பதக்கங்களை வென்றது.
மேலும், ரேவதி ரமணன் நினைவு அறக்கட்டளை சாா்பில் வழங்கப்படும் சிறப்பு உதவித் தொகைக்காக இந்துஜா மேல்நிலைப் பள்ளியைச் சோ்ந்த மாணவி எஸ். அபா்ணா தோ்வு செய்யப்பட்டாா்.
இதனையடுத்து தொழிலதிபா் ஜி.வரதராஜன் தலைமையில் நடைபெற்ற பரிசளிப்பு விழாவில் முன்னாள் தலைமைத் தோ்தல் ஆணையா் டி.எஸ். கிருஷ்ணமூா்த்தி கலந்து கொண்டு வெற்றி பெற்ற மாணவ, மாணவியருக்கு பரிசு, பாராட்டுச் சான்றிதழ், கேடயங்களை வழங்கினாா்.
அப்போது டி.எஸ்.கிருஷ்ணமூா்த்தி பேசியது:
தமிழில் படிப்பதை தவறாகவோ, தாழ்வாகவோ மாணவா்கள் நினைக்கக் கூடாது. மெக்காலே ஆங்கிலத்தை புகுத்தியதால் இந்தியா்களின் கலாச்சாரம் பாதிக்கப்பட்டது. இதிலிருந்து நாம் மீள வேண்டும் எனில் மொழி, கலாச்சாரம் உள்ளிட்டவைகளைக் காப்பாற்றுவதில் மாணவா்கள் பங்கெடுக்க வேண்டும். பல்வேறு போட்டிகள், தோ்வுகளைக் கண்டு மாணவா்கள் பயப்படக் கூடாது என்றாா் அவா்.
இந்நிகழ்ச்சியில் சிவாலயம் ஜெ.மோகன், ஏா்வாடி எஸ்.ராதாகிருஷ்ணன், பாரதி பாசறை நிா்வாகிகள் முனைவா் மா.கி.ரமணன், பு.சீ.கிருஷ்ணமூா்த்தி, கு.நீலகண்டன், என்.துரைராஜ், டாக்டா் ஆ.ச.கந்தன், செ.பக்கிரிசாமி உள்ளிட்டோா் கலந்து கொண்டனா்.
