சென்னை: உலகின் மிகவும் பிரபலமான இணையதளத்தில், கோலிவுட்டின் மிக மோசமான நடிகர்கள் பட்டியலில் தளபதி விஜய்யின் பெயர் இடம்பெற்றுள்ளது சர்ச்சையை ஏற்படுத்தியுள்ளது.
தமிழ் சினிமாவில் 20 ஆண்டுகளுக்கு மேலாக முன்னணி நடிகராக இருப்பவர் விஜய். ஏராளமான ரசிகர் பட்டாளத்தை வைத்துள்ள விஜய், தமிழ் சினிமாவில் பல்வேறு சூப்பர் டூப்பர், பிளாக் பஸ்டர் ஹிட் படங்களை கொடுத்துள்ளார். உலகம் முழுவதிலும் ரசிகர்களை வைத்துள்ள விஜய், கோலிவுட்டின் மிக மோசமான நடிகர்கள் பட்டியலில் 6வது இடத்தில் இருப்பது அவரது ரசிகர்களிடையே கொந்தளிப்பை ஏற்படுத்தியுள்ளது.
அமேசான் நிறுவனம் நடத்தி வரும் உலக சினிமா பற்றிய டேட்டாபேஸை கொண்டுள்ள ஐஎம்டிபி என்ற இணையதளம் வெளியிட்டுள்ள இந்த தகவல் மிகுந்த சர்ச்சையை ஏற்படுத்தியுள்ளது. உலகளவில் சினிமா குறித்த ரேட்டிங், விமர்சனங்களை வெளியிட்டு வரும் இந்த இணையதளத்தில் விஜய்யை அசிங்கப்படுத்தும் விதமாக இருக்கும் இந்த தகவல் அவரது ரசிகர்கள் மத்தியில் கடும் கோபத்தை உண்டாக்கியுள்ளது.
தளபதி விஜய் மோசமான நடிகர் என்பதற்கு விளக்கமும் அளிக்கப்பட்டுள்ளது. அதில், தமிழ் சினிமாவில் பிளாக் பஸ்டர் ஹிட் கொடுக்கும் வெற்றி நாயகன். கோலிவுட்டில் அதிக மதிப்பு உள்ள நடிகர், ஆனால் இந்த புகழுக்கு தகுதியில்லாதவர். ஒரு நடிகர் என்பதற்கு அவரது நடனமும், வசன உச்சரிப்பும் மட்டும் தான். அவர் நடித்த எந்த கதாபாத்திரமும் அவருக்கு பொருத்தமே இல்லாத ஒன்று. திரைத்துறையில் அனுபவம் இருந்தாலும், இன்னும் நடிப்பு திறைமையை வளர்த்துக் கொள்ள வேண்டும் என்று குறிப்பிடப்பட்டுள்ளது.
இந்த தகவல் கோலிவுட் ரசிகர்களை கடும் அதிர்ச்சியில் ஆழ்த்தியுள்ளது. இந்த பட்டியலில் இருந்து விஜய்யின் பெயரை நீக்க அவரது ரசிகர்கள் கோரிக்கை வைத்து வருகின்றனர்.
இதில் விஜய் மட்டுமல்லாது, நடிகர் சாந்தனு, ‘ஈரம்’ ஆதி, சிம்பு, ஜெயம்ரவி, விஷால் உள்ளிட்டோரும் மோகமான நடிகர்கள் என ஐஎம்டிபி இணையதளத்தில் குறிப்பிடப்பட்டுள்ளது.
கருத்துகள் இல்லை:
கருத்துரையிடுக