*🌐மாணவர்களை பள்ளிக்கு அழைத்து வர ஆசிரியர் ஒருவர் பேருந்தை வாங்கி தானே ஓட்டுநராக மாறியுள்ள நிகழ்வு ஆச்சரியத்தை ஏற்படுத்தியுள்ளது*
*🌐கர்நாடக மாநிலம், உடுப்பி மாவட்டத்தில் உள்ள பாரலியில் அரசு உயர்நிலைப் பள்ளி செயல்பட்டு வருகிறது. பாரலி மலைகள் நிறைந்தபகுதி. பள்ளிக்கு வரும் மாணவர்கள் மலையில் ஏறி மிகுந்த சிரமத்திற்கு ஆளாகின்றனர்*
*🌐மேலும் இந்த பள்ளியில் ராஜாராம் என்பவர் கணிதம் மற்றும் அறிவியல் பாட ஆசிரியராக பணியாற்றி வருகிறார்*
*🌐மாணவர்கள் மிகுந்த சிரமத்தோடு பள்ளிக்கு வருவதை உணர்ந்த ராஜாராம், இதற்கு ஏதாவது தீர்வு கொண்டுவர வேண்டும் என எண்ணி தான் படித்த பள்ளியில் உள்ள பழைய மாணவர்களிடமும், தான் பணியாற்றும் பள்ளியின் பழைய மாணவர்களிடமும் பணம் திரட்டி , அதன் மூலம் மாணவர்களுக்காக பேருந்தை வாங்கியுள்ளார்*
*🌐அதுமட்டுமல்லாமல், பேருந்தை ஓட்ட தனியாக செலவு செய்வதை தவிர்க்க தானே ஓட்டுனராக மாறி, மாணவ, மாணவிகளை பாதுகாப்பாக பள்ளிக்கு அழைத்து வருவதும், திரும்ப வீடுகளில் கொண்டு விடும் பணியையும் செய்து வருகின்றார்*
*🌐மேலும் இதுகுறித்து பேசிய ராஜாராம் கூறுகையில், "குழந்தைகளின் சிரமத்தை போக்கியது மனநிறைவு அளிக்கிறது*
*🌐மேலும் பள்ளியை சுற்றி வேலி போடவும், மாணவர்கள் விளையாட விளையாட்டுத்தளம் அமைக்கவும் ஆசை ,ஆனால் என்னிடம் போதிய பணம் இல்லாததால் முன்னாள் மாணவர்களிடம் உதவி கேட்டு ஒவ்வொரு வேலையாக செய்து வருகின்றேன்." என தெரிவித்துள்ளார்*
கருத்துகள் இல்லை:
கருத்துரையிடுக