2டி எண்டெர்டைன்மென்ட் நிறுவனம் சார்பில் சூர்யா தயாரிப்பில் பிரமாண்டமாக உருவாகி வரும் திரைப்படம் 'கடைக்குட்டி சிங்கம்'. முதல் முறையாக அண்ணன் சூர்யா தயாரிக்க, தம்பி கார்த்தி நடித்து வரும் இப்படத்தை பாண்டிராஜ் இயக்குகிறார்.
படத்தில் கதாநாயகியாக சாயிஷா சைகல், பிரியா பவானி ஷங்கர், அர்த்தனா ஆகியோர் நடிக்கின்றனர்.
கார்த்தியின் அப்பாவாக சத்யராஜ், அக்காக்களாக மௌனிகா, யுவராணி, தீபா, ஜீவிதா, இந்துமதி என 5 பேர் நடிக்கிறார்கள்.
படத்துக்கு இசை - டி. இமான் ஒளிப்பதிவு - ஆர். வேல்ராஜ்.
இந்தப் படத்தில் நடிகர் கார்த்தி விவசாயத்தின் முக்கியத்துவத்தை எடுத்துரைக்கும் கெத்தான விவசாயி கதாபாத்திரத்தில் பட்டயகிளப்புகிறார்.
பெரிய நட்சத்திர பட்டாளத்தோடு பிரமாண்டமாக உருவாகி வரும் இப் படத்தின் படப்பிடிப்பு வேகமாக நடைபெற்று வருகிறது.
இந்நிலையில் 'கடைக்குட்டி சிங்கம்' படத்தின் டீசர் இன்று (ஞாயிற்றுக்கிழமை) வெளியாகியுள்ளது.
இதுகுறித்து தனது டுவிட்டர் பக்கத்தில் பதிவிட்டுள்ள படத்தின் இயக்குநர் பாண்டிராஜ்,
படைக்கிறவன் மட்டும் கடவுள் இல்லை ! பயிருடுறவனும் கடவுள்தான் !! என்று குறிப்பிட்டுள்ளார்.
இந்த டீசர் விடியோ தற்போது சமூக வலைதளங்களில் வைரலாகி வருகிறது.
கருத்துகள் இல்லை:
கருத்துரையிடுக